ഫലപ്രദമായ നിരവധി ഗവേഷണ ഫലങ്ങൾ ഉണ്ടായിട്ടും പലപ്പോഴും അവഗണിക്കപ്പെടുന്ന ഒരു പഠന തന്ത്രമാണ് ആവർത്തിച്ച് ഓർമിക്കൽ . ഇതിനകം പഠിച്ച ആശയങ്ങൾ വീണ്ടും പരിശോധിക്കാനും വെളിപ്പെടുത്താനും സഹായിക്കുന്ന പ്രവർത്തനങ്ങളോടെ, അധ്യാപകർ വീണ്ടെടുക്കൽ രീതിയെ ക്ലാസ് മുറികളിലെ ദിനചര്യകളിലേക്ക് കൂട്ടിച്ചേർക്കുമ്പോൾ, അവരുടെ തലച്ചോറിന്വസ്തുതകൾ ഓർമ്മിക്കാൻ കൂടുതൽ സൗകര്യം ലഭിക്കുകയും അവരുടെ ഗ്രാഹ്യം ആഴത്തിലാകുകയും ചെയ്യുന്നു.
ലേണിംഗ് സയൻസ് പാർട്ണേഴ്‌സ് സഹസ്ഥാപകൻ ജിം ഹീൽ ചൂണ്ടിക്കാണിച്ചതുപോലെ, വീണ്ടെടുക്കൽ പരിശീലനം എന്നത് കാര്യങ്ങൾ അറിയാമോ പരിശോധിക്കുന്നത് മാത്രമല്ല. ഓരോ വിദ്യാർത്ഥിയെയും പ്രശ്‌നങ്ങളിലൂടെ കടന്നുപോകാൻ പ്രേരിപ്പിക്കുന്നതിലൂടെ, അവ എങ്ങനെ ചെയ്യണമെന്ന് കൃത്യമായി ഓർമ്മിക്കാൻ അവരോട് ആവശ്യപ്പെടുന്നതിലൂടെ, അധ്യാപകൻ മെമ്മറി ട്രെയ്‌സ് എന്നറിയപ്പെടുന്ന ഒന്നിനെ ശക്തിപ്പെടുത്തുകയാണ് യഥാർത്ഥത്തിൽ ചെയ്യുന്നത്.
“നമ്മുടെ രണ്ടു തരത്തിലുള്ള മെമ്മറി ആണുള്ളത്. വളരെ ചെറിയ സമയത്തേക്ക് മാത്രം നീണ്ടു നിൽക്കുന്ന വർക്കിംഗ് മെമ്മറി. അവിടെയാണ് ചിന്ത നടക്കുന്നത്. പിന്നെ ഉള്ളത് ഏതാണ്ട് അനന്തം എന്ന് തന്നെ വിശേഷിപ്പിക്കാവുന്ന ലോങ്ങ് ടെം മെമ്മറിയാണ്. സത്യത്തിൽ പറയുകയാണെങ്കിൽ, നമ്മൾ ഒരു തവണ പഠിച്ച ഒരു കാര്യം നമ്മുടെ ലോങ്ങ് ടെം മെമ്മറിയിലേക്ക് പോയി കഴിഞ്ഞാൽ അത് ദീർഘകാലം അവിടെ നിലനിൽക്കും. നമ്മൾ സത്യത്തിൽ മറവി, എന്ന് പറയുന്നത്, ആ ലോങ്ങ് റ്റർ മെമ്മറിയിലേക്ക് പോയി വിവരങ്ങൾ എടുക്കാനുള്ള വഴി നമ്മൾ മറന്നു പോയി എന്നാണ്. ന്യൂറൽ പാത്ത് വേ എന്നാണ് ഈ വഴിയേ കുറിച്ച് പറയുന്നത്
നിങ്ങൾ വീണ്ടും വീണ്ടും ഒരു കാര്യം ആവർത്തിക്കുമ്പോൾ, നിങ്ങളുടെ പ്രവർത്തന മെമ്മറിയിലേക്ക് ഒരു വിവരങ്ങൾ തിരികെ വലിച്ചെടുക്കാൻ നിങ്ങൾ കൂടുതൽ തവണ നിങ്ങളുടെ ദീർഘകാല മെമ്മറിയിലേക്ക് പോകും. അത് നിങ്ങളുടെ മനസ്സിന്റെ ആ രണ്ട് ഭാഗങ്ങൾക്കിടയിലുള്ള ഓർമ്മയുടെ പാതയെ ശക്തിപ്പെടുത്തുന്ന ഒരു പ്രക്രിയയാണ്. ആ പാത ശക്തിപ്പെടുത്തുന്നത് പഠന പ്രവർത്തനത്തിന്റെ ഭാഗമാണ്,”
മുൻകാല പാഠങ്ങളിൽ പഠിച്ച ആശയങ്ങൾ വീണ്ടും തിരിച്ചെടുക്കാനും പ്രയോഗിക്കാനും വിദ്യാർത്ഥികളെ പതിവായി ക്ഷണിക്കുന്ന സ്കൂൾ ആക്ടിവിറ്റികൾ സൃഷ്ടിക്കുന്നതിലൂടെ, അധ്യാപകർ അവരുടെ പഠനനിലവാരം ഉറപ്പ് വരുത്തുവാൻ സഹായിക്കുകയാണ് ചെയ്യുന്നത്.
ഓർക്കുക ഓർമ്മകളിലേക്കുള്ള മികച്ച ഒരു വഴി തന്നെയാണ് ആവർത്തിക്കൽ.
